lou mas
Jóusé d'Arbaud
Lou mas sara basti sus l'auturo agermido,
E la porto de frais, en despié di rabat,
S'alargant, tout l'estiéu, i boufe de l'embat,
Flamejara, l'ivèr, dóu fiò di regalido.
A man drecho e virant sa culato au vènt d'aut,
Plantaren pèr l'avé la grand jasso de sagno ;
Pèr para lis agnèu dóu giscle e de l'eigagno,
Li pastre atenciouna tancaran lou pourtau.
A gaucho, moutaren la cout pèr la manado,
L'estable, entre-mitan, garni de si coulas,
Mé si bresso de paio ounte li ràfi, las,
Entre soupa s'estiraran pèr la niuechado.
Pièi, se'n cop tout es lest e lou davans crespi,
En vujant lou vin kiue, segound lis us de glòri,
Sus lou cresten dóu mas plantaren pèr memòri
Un ramas de pin negre e de lausié flouri.
Lou mas sara basti sus l'auturo agermido,
E dins lou revoulun di sesoun, di travai,
Pèr la chato que vèn de-vers iéu, dins la vido,
A l'aubo durbiren l'auto porto de frais.
Ié dounarai la crous, la cadeno e l'anello,
Dins lou parla di paire, elo me respoundra,
Pèr l'ounour de l'oustau, faroto, pourtara
Lou riban prouvençau e la blanco capello.
E se'n cop sian bèn vièi, davans li grand cafiò
Pious e sènso se lagana dóu tèms que passo,
Encaro apararen li causo de la Raço,
E chasque an, pèr Nouvè, pausaren cacho-fiò.
retour sommaire
Le mas sera bâti sur la hauteur herbeuse,
et la porte de frêne, malgré l'aveuglant soleil,
grande ouverte, l'été, aux souffles du sud,
rayonnera, l'hiver, au feu des flambées.
A main droite et tournant l'arrière au vent du nord,
nous construirons pour le troupeau la grande bergerie de roseaux,- pour défendre les agneaux de l'averse et de la rosée,- les bergers attentifs barricaderont le portail.
A gauche, nous mettrons la cour pour la manade,
au milieu, l'étable garnie de ses harnais
avec leurs lits de paille où les laboureurs,las,
dès souper, s'allongeront pour la nuitée.
Puis, quant tout sera prêt et la façade crépie,
en versant le vin cuit, selon les glorieux usages,
sur le faîte du mas nous planterons, en mémoire,
un rameau de pin noir et de laurier fleuri.
Le mas sera bâti sur la hauteur herbeuse
et dans le retour des saisons, des travaux,
pour la jeune fille qui vient vers moi, dans la vie
à l'aube, nous ouvrirons la haute porte de frêne.
Je lui donnerai la croix, la chaîne et l'anneau,
dans le parler des pères, elle me répondra,
pour l'honneur de la maison, coquette, elle portera,
le ruban provençal et la blanche "chapelle".
Et quand nous serons vieux, devant les grands chenêts,
pieux,et sans nous lamenter du temps qui passe,
encore nous défendrons les choses de la Race,
et chaque année (dans le foyer) nous poserons la bûche de Noël.