NACIOUN GARDIANO

moussu

Maurise Barri


Moussu,...Mousu que nous amavias tant !
Coume la maire amo l'enfant
Coume l'aucèu amo soun nis
Avès ama noste païs.
Avès canta li grandi santo
Li pescaïre emai li gardian
toujour pèr l'ounour dou terraire
Moussu que nous amavias tant !

Moussu que nous amavias tant !
Avès fa basti voste oustau
Sus aquelo terro de sau
E sus nosto terro de sau
Ounte aro rapausas en pas.
Vuei, l'on ie vei voste toumbèu.
E pu tard quand nòstis enfant
Sus auquelo toumbo vendran
Sènso vous couneisse diran
Moussu que nous amavias tant !

Moussu que nous amavias tant !
Sus voste toumbèu an escri
Li mot que vous nous avès di
Aquèli bèu mot pèr li Santo
Pèr lou Rose amai pèr la mar
Fan trembla lou que li legis
Aquéli bèu mot pèr li Santo
Jamai res n'en fera autant
Moussu que nous amavias tant !

Moussu que nous amavias tant !
Quand dou bèu mas de l'Amarèu
Avans de veni au Simbèu
Acampajavias vòsti biou,
La vacaio e li chivau,
Lou regard vira vers li Santo
O bèn de vers nòstis estang
Disias "li santen soun dè fraire"
Nous prenias pèr vòstis enfant
E coume noste grand sant Jordi
Es esta patroun di gardian
Vous di santen, n'ensias lou sant
Un sant que lou santen adoro
Moussu que nous amavias tant !


retour sommaire